Yəmənin Prezident Rəhbərlik Şurasının sədri Rəşad Məhəmməd əl-Alimi ölkənin müdafiə naziri Mühsən Məhəmməd əd-Dairini vəzifəsindən azad edib.
NOCOMMENT.az xəbər verir ki, bu barədə Yəmənin “SABA” xəbər agentliyi məlumat yayıb.
Əl-Alimi tərəfindən imzalanan fərmana əsasən, o, Yəmən silahlı qüvvələrinin ali baş komandanı kimi əd-Dairini təkcə müdafiə naziri vəzifəsindən azad etməyib, eyni zamanda onu hərbi xidmətdən də istefaya göndərib.
Qeyd edilir ki, bu qərar respublikada vəziyyətin gərginləşməsi fonunda qəbul olunub. / APA /
