Bağdadın qərarı xarici enerji şirkətləri ilə münasibətlərə təsir göstərə bilər...
İraq hakimiyyəti Rusiyanın “Lukoyl” şirkətinin iştirak etdiyi neft yatağının milliləşdirilməsi barədə qərar qəbul edib.
Poliqon xəbər verir ki, bu barədə Reuters Agentliyi məsələ ilə tanış mənbələrə istinadən məlumat yayıb.
Məlumata görə, qərar İraq hökumətinin ölkənin enerji resursları üzərində dövlət nəzarətini gücləndirmək strategiyasının bir hissəsi kimi qiymətləndirilir. Rəsmi Bağdad hesab edir ki, iri neft yataqlarının idarə olunmasında dövlətin rolu artırılmalı, hasilat və ixracdan əldə olunan gəlirlər isə birbaşa milli büdcənin maraqlarına xidmət etməlidir.
Reuters-in yazdığına görə, söhbət “Lukoyl”un uzun illərdir fəaliyyət göstərdiyi və İraqın neft sektorunda mühüm yer tutan yataqlardan birindən gedir. Milliləşdirmə qərarının hüquqi və maliyyə mexanizmləri, eləcə də xarici tərəfdaşlara mümkün kompensasiyalar məsələsi hələlik açıqlanmayıb.
Ekspertlər bildirirlər ki, bu addım İraq ilə xarici enerji şirkətləri, o cümlədən Rusiya şirkətləri arasındakı münasibətlərə təsirsiz ötüşməyə bilər. Eyni zamanda qərarın beynəlxalq enerji bazarlarında və investorların İraq neft sektoruna marağında müəyyən qeyri-müəyyənlik yaradacağı istisna edilmir.
Poliqon.info
