Hər kəs həyatını gülərüz və enerjili göstərən insanları “xoşbəxt” hesab edir. Amma bəzən bu görünüş gerçək hissləri əks etdirmir. İnsan sosial mühitdə pozitiv görünə bilər, amma daxildə depressiya ilə mübarizə aparır.
Psixoloqlar bildirir ki, gizli depressiya tez-tez işgüzar mühitdə, dost-tanış arasında və ya sosial mediada aktiv olan insanlarda müşahidə olunur. Xəstəlik özünü yuxusuzluq, enerji çatışmazlığı, həzz ala bilməmə və hətta fiziki şikayətlər vasitəsilə göstərə bilər.
Mütəxəssislər vurğulayır ki, belə vəziyyətləri erkən müəyyən etmək və psixoloji dəstək almaq vacibdir. Depressiya ilə mübarizə yalnız daxili mübarizə deyil, həm də yaxınların diqqəti və professional yardım ilə yüngülləşə bilər.
Unutmayın: Hər gülüş arxasında daxili mübarizə gizlənə bilər. İnsanları tək buraxmamaq və diqqətlə yanaşmaq önəmlidir.
Şəhla Qardaşova
DOĞRU.AZ
