ABŞ Prezidenti Donald Tramp ABŞ-nin 2027-ci il üçün hərbi büdcəsinin 1,5 trilyon dollara çatdırılmasının zəruri olduğunu bildirib.
Yeniavaz.com xəbər verir ki, o bu barədı “TruthSocial” sosial şəbəkə səhifəsində məlumat verib.
“Senatorlar, Konqres üzvləri, katiblər və digər siyasi nümayəndələrlə uzun və çətin danışıqlardan sonra belə bir nəticəyə gəldim ki, millətimizin rifahı naminə, xüsusən də bu son dərəcə narahat və təhlükəli dövrlərdə 2027-ci ilin müdafiə büdcəsi bir trilyon dollar deyil, bir yarım trilyon dollar olmalıdır”, - Tramp qeyd edib.
Qeyd edək ki, dekabrın 18-də Tramp 2026-cı maliyyə ili üçün ABŞ-nin müdafiə büdcəsini imzalayıb və ümumi məbləği 900 milyard dollardan çox olub ki, bunun 400 milyon dolları Ukraynaya silah satışına xərclənəcək.
