İkinci Liqa təmsilçisi "Şirvan"ın mövsümün ikinci yarısı üçün hazırlıq planı müəyyənləşib.
Fanat.Az-ın əldə etdiyi məlumata görə, bölgə təmsilçisi gələn həftənin ilk günlərində bir araya gələcək.
Komanda Şirvanda iki həftəlik hazırlıq keçəcək. Pərviz Bayramov yetirmələrini üç yoxlama matçında sınaqdan keçirməyi planlaşdırır. İlk rəqibin 1-ci Liqanın iddialılarından "Baku Sportinq" olacağı gözlənilir.
Liqanın debütantı olan "Şirvan" qış fasiləsinə 6-cı yerdə yollanıb. Ötən mövsüm Region Liqasının qalibi olan komanda yeni ildə ilk çempionat oyununu fevralın 23-də "Araz Saatlı"ya qarşı keçirəcək.
