Axar.az saytından verilən məlumata əsasən, ain.az məlumatı açıqlayır.
“Marinera” neft tankerinə gəlincə, birincisi, Rusiyanın tankerlə bağlı vəziyyəti gərginləşdirmədiyi, ABŞ Prezidenti Donald Trampla münasibətləri korlamaq istəmədiyi göz qabağındadır.
Axar.az xəbər verir ki, bunu rusiyalı politoloq Aleksey Naumov deyib.
“İkincisi, ABŞ vəziyyətə Venesuela böhranının bir hissəsi kimi baxır, Rusiya-Ukrayna və ya Amerika-Rusiya böhranının bir hissəsi kimi baxmır və bu da aydındır, yəni, Moskvaya təzyiqin miqyası məhduddur.
Üçüncüsü, ABŞ-ın təzyiqlərə hazır olduğu aydındır: əgər bu, onların fundamental təhlükəsizlik maraqlarına aiddirsə, onlar Rusiya ilə münasibətləri qorumayacaqlar. Bəs, Rusiyanın burada nə etməsi ağlabatan olardı? Aydındır ki, hər hərəkətin bir məqsədi, dəyəri və müəyyən bir uğurla həyata keçirilmə ehtimalı var. Əgər Xarici İşlər Nazirliyi indi qəzəbli nota versə, Trampa zəng edib onun düz hərəkət etmədiyini desə və bir sıra gizli tədbir görsə, bu, ABŞ-ın heç bir güzəştə getməsinə səbəb olmaz, əksinə, impulsiv Trampı qəzəbləndirər və bu da öz növbəsində Ukrayna böhranının həllini olduqca çətinləşdirər. Rusiyanın buna ehtiyacı varmı? Ehtiyacı yoxdur”, - o bildirib.
Ən son xəbərləri və yenilikləri almaq üçün ain.az saytını izləyin.
