ain.az, Ayna portalına istinadən məlumat verir.
“Mən mümkün qədər tez Venesuelaya qayıtmağı planlaşdırıram”
2025-ci il Nobel Sülh Mükafatının qalibi, Venesuela müxalifətinin liderlərindən olan Mariya Korina Maçado ən qısa müddətdə ölkəyə qayıdacağına söz verib və Prezident Nikolas Maduronu zorla hakimiyyətdən uzaqlaşdırdıqdan sonra ABŞ tərəfindən dəstəklənən müvəqqəti prezidentin səlahiyyətlərini rədd edib.
AYNA.AZ-ın xəbərinə görə, Maçado “Fox News”a verdiyi müsahibədə deyib ki, rəhbərlik hərəkatının azad seçkilərdə qalib gəlməyə hazır olduğunu bildirib və Maduronu devirdiyinə görə ABŞ Prezidenti Donald Trampa təşəkkür edib.
Xatırladaq ki, Venesuelada və xaricdə bir çoxları Maduronun şənbə günü həbsindən sonra ölkəyə Maçadonun rəhbərlik edəcəyini gözləyirdi, lakin Tramp ona deyil, Maduronun keçmiş vitse-prezidenti Delsi Rodriqezə dəstək verdi.
Maçado müsahibəsində bildirib: “Mən mümkün qədər tez Venesuelaya qayıtmağı planlaşdırıram. Biz inanırıq ki, bu keçid irəliləməlidir. Biz 2024-cü ildə saxtakarlıq şəraitində böyük səs çoxluğu ilə seçkilərdə qalib gəldik. Azad və ədalətli seçkilərdə səslərin 90%-dən çoxunu qazanacağıq”.
O Rodriqezi Venesuelada "işgəncə, təqib, korrupsiya və narkotik qaçaqmalçılığının əsas memarlarından biri" olmaqda günahlandırıb və repressiyaların həftəsonundan bəri daha da artdığını söyləyib.
Həmçinin bildirib ki, Nobel Sülh Mükafatını qazandığı gündən, yəni 10 oktyabr 2025-ci ildən bəri Trampla danışmayıb.
Qeyd edək ki, Delsi Rodriqes Venesuelanın müvəqqəti prezidenti kimi artıq and içib.
Sonrakı hadisələr barədə daha çox məlumat almaq üçün ain.az saytını izləyin.
