“Santos”un hücumçusu Neymar şəxsi nəqliyyat kolleksiyasını nümayiş etdirib.
Publika.az xəbər verir ki, futbolçunun kolleksiyasında təyyarə (Embraer Phenom 300E) və “Betmen” üslubunda dizayn edilmiş helikopter (Bell 429) var.
2025-ci ilin avqustunda Neymar 1,5 milyon dollara “betmobil” alıb. Bu, Kristofer Nolanın filmlərindəki avtomobilin 550 at gücünə malik mühərrikli versiyasıdır və onun yığılması təxminən üç il çəkib.
Braziliyalı futbolçunun helikopteri də “Betmen” stilində hazırlanıb. Onun dəyəri 9 milyon dollar təşkil edir.
Bu kolleksiyanın ümumi dəyəri 60 milyon dollara çatır. Braziliyalı sosial mediada bahalı nəqliyyat vasitələri ilə öyünərək "Xəyallar gerçəkləşə bilər", - deyə yazıb.
