Almaniyanın xarici işlər naziri Yohan Vadeful, fransalı həmkarı Jan Barro və Polşanın xarici işlər naziri Radoslav Sikorski Ukraynaya yardım məsələsini müzakirə etmək üçün yanvarın 7-də Parisdə görüşəcəklər.
Bu barədə RBC-Ukraine Deutschlandfunk-a istinadən məlumat yayıb.
Qeyd olunur ki, üçtərəfli görüş "Veymar üçbucağı" adlanan formatda keçiriləcək.
Bu, 1991-ci ildə yaradılmış üç ölkənin qeyri-rəsmi beynəlxalq birliyidir.
Üç xarici işlər nazirinin görüşü əsasən Rusiya təcavüzkarlarına qarşı müharibə aparan Ukraynaya əlavə və konkret dəstək göstərməyə yönələcək. Fransa Xarici İşlər Nazirliyi artıq görüşün mövzusunu təsdiqləyib.
QAZİLER.AZ
