Ajans.az xəbər verir ki,bu barədə məlumatı ölkənin təhlükəsizlik naziri Mahamadou Sana açıqlayıb. Nazirin sözlərinə görə, sui-qəsdçilər vəziyyəti qeyri-sabitləşdirmək məqsədilə əməliyyatı 3 yanvar 2026-cı il, saat 23:00-da başlatmalı idilər. Plan, dövlət başçısının zərərsizləşdirilməsindən başlayaraq, mülki və hərbi məmurlara qarşı bir sıra hədəfli sui-qəsdləri nəzərdə tuturdu. Sui-qəsdçilər prezidentə ya yaxın məsafədən, ya da onun iqamətgahına dron hücumu ilə zərbə vurmağı planlaşdırırdılar, sonrakı mərhələdə isə xarici qüvvələrin yerüstü müdaxiləsi nəzərdə tutulurdu. Təhlükəsizlik orqanları sui-qəsdi vaxtında üzə çıxara bilib və iştirakçıların bəzilərini saxlayıblar. Nazir ölkə sakinlərini sakit olmağa çağırıb. Məlumatda bildirilir ki, sui-qəsdin arxasında Burkina Fasonun keçmiş prezidenti Paul-Henri Sandaogo Damiba dayanır və onun maliyyələşməsinin qonşu Kot-d'İvuardan gəldiyi iddia olunur.

 

• Təhlükəsizlik
• Dövlət Başçısı
• Sui-Qəsd
• Hərbi Məmurlar
• Mülki Məmurlar