“Mançester Yunayted”in sabiq baş məşqçisi Ole-Qunnar Sülşer kluba mümkün qayıdışı ilə bağlı rəhbərliklə danışıqlar aparıb.
İdmanxeber.az-ın məlumatına görə, Ruben Amorimin istefasından sonra “qırmızı şeytanlar” mövsümün sonunadək komandaya rəhbərlik edəcək müvəqqəti baş məşqçi axtarışındadır. Növbəti Premyer Liqa oyununda “Bernli”yə qarşı komandanı Darren Fletçer çalışdıracaq.
Qeyd edək ki, norveçli mütəxəssis 2018–2021-ci illərdə “Mançester Yunayted”i çalışdırıb.
