ain.az, Azpolitika.az portalına istinadən məlumat verir.
Vaşinqton administrasiyası Venesuelanın Mülki Təhlükəsizlik üzrə vitse-prezidenti və Daxili İşlər, Ədliyyə və Sülh naziri Diosdado Kabellonun öldürülməsi və ya qaçırılmasını nəzərdən keçirir.
“AzPolitika” xəbər verir ki, bu barədə “Reuters” agentliyi öz mənbələrinə istinadla məlumat yayıb.
“Reuters” mənbələrinə görə, ABŞ hakimiyyəti Kabelloya xəbərdarlıq edib ki, əgər o, müvəqqəti prezident Delsi Rodrigezə ABŞ-nin tələblərini yerinə yetirməyə və asayişi qorumağa kömək etməsə, hədəf siyahısının başında olacaq.
Agentlik qeyd edir ki, Vaşinqton Kabellonun amerikalılar tərəfindən qaçırılan Venesuela Prezidenti Nikolas Maduroya sadiq qaldığına inanır. ABŞ tərəfi keçid dövründə "onu (Kabellonu) əməkdaşlığa məcbur etməyi və sonra hakimiyyətdən uzaqlaşdırmağı və sürgünə göndərməyi" düşünür.
Agentliyin məlumatına görə, Vaşinqton Kabelloya məlumat verib ki, əgər o, inadkarlıq göstərərsə, “Maduro ilə eyni aqibətlə üzləşə və ya həyatı təhlükədə ola bilər".
Eyni zamanda, nəşr ABŞ hakimiyyətinin Kabellonun vəzifədən alınmasının Venesuelada xaosa səbəb ola biləcəyindən qorxduğunu vurğulayır.
Mənbələr həmçinin əlavə ediblər ki, Vaşinqtonun nöqteyi-nəzərindən Venesuela müdafiə naziri Padrino Lopez də "hədəf siyahısındadır". Agentliyin məlumatına görə, ABŞ bu nazirdən də əməkdaşlıq istəyir.
Məqalədə qeyd olunur ki, ABŞ administrasiyası Nobel Sülh Mükafatı laureatı Mariya Korina Maçadonun rəhbərlik etdiyi müxalifətin bu mərhələdə "sülhü qorumağa qadir olmadığını" hesab edir.
“AzPolitika.info”
Sonrakı hadisələr barədə daha çox məlumat almaq üçün ain.az saytını izləyin.
