“İsa Məsih doğuldu və zühur etdi, sizə və bizə böyük müjdə!”.
KONKRET.az xəbər verir ki, artıq 194-cü gündür həbsdə yatan erməni arxiyepiskop Mixail Acapahyanın bu məktubu ölkəni qarışdırıb.
Məktubun məzmununu oxucuların diqqətinə çatdırırıq: “Vətənə xəyanət edənlərlə Tanrıya xəyanət edənlərin birliyi, öz silahlı dəstələrinin üzvləri ilə birlikdə, “əxlaq” adlı süni və uydurma gündəmlə yenidən Müqəddəs Kilsəmizin sakitliyini pozdu.
Bəli, necə ki, 2000 il əvvəl, eləcə də bu gün Herod və Herodias yenidən azğınlaşıblar, qurban axtarırlar, günahsız qan tökmək istəyirlər – öz xəstə düşüncələrinin doyurulması üçün.
Əxlaqdan danışanlar tövbə və oruc içində olmaq əvəzinə, nadanlıq və cahilliklərinin şah əsərini imzalayırlar və bununla da öz miskinliklərinin hökmünü özləri imzalamış olurlar.
Doğrudan da, vətən xaini Tanrı xainlərini, yazıq olan acınacaqlıları, həyasız olan ədəbsizləri, əxlaqsız olan mənəviyyatsızları, cılız olan isə dəyərsizləri üzə çıxarıb. Ardınca isə həm İrəvanda, həm də Talində açıq silahlı cinayətlər baş verir.
Kaş bu nadanlar heç olmasa tarixi biləydilər – Kilsə bu cür hadisələri tarix boyu dəfələrlə aşmışdır.
Ümid edirik ki, xalqımızın övladlarının böyük bir hissəsi reallığı anlayır və düzgün diaqnoz qoyacaq. Bu da keçəcək. Xarici və yad cisimlərdən qurtulduqdan sonra Erməni Kilsəsi öz missiyasını davam etdirəcək.
Bəli, Kilsə saflaşacaq və təmizlənəcək, lakin Tanrının istədiyi kimi, aciz və miskin varlıqların istədiyi kimi yox.
Məsih həqiqətən doğuldu və zühur etdi – sizə və bizə böyük müjdə!”.
Rəsmiyyə Şərifova,
KONKRET.az
