Pekin separatçılıq fəaliyyəti ilə bağlı sərt cəza tədbirləri tətbiq edir...
Çin Xalq Respublikasının Tayvan üzrə İşlər İdarəsi Tayvanın müstəqilliyi istiqamətində fəaliyyət göstərməkdə ittiham olunan adanın üç vətəndaşına qarşı cəza tədbirlərinin görüləcəyini açıqlayıb.
Poliqon xəbər verir ki, bu barədə idarənin rəsmi nümayəndəsi Çen Binhua həftəlik brifinq zamanı məlumat verib.
Reuters Agentliyinin bildirdiyinə görə, saxlanılan şəxslərdən biri separatçılıq fəaliyyətində şəriklikdə təqsirli bilinib və ona ömürlük məsuliyyət tədbiri tətbiq olunacaq. Digər iki fiqurantla yanaşı, onların ailə üzvlərinin də materik Çin ərazisinə, eləcə də Honkonq və Makaoya girişinə tam qadağa qoyulacaq.
Çen Binhua vurğulayıb ki, bu addımlar Tayvanın müstəqilliyini dəstəkləyən “azsaylı qrup”a qarşı yönəlib və əsas məqsəd milli suverenliyin və ərazi bütövlüyünün fundamental şəkildə qorunmasıdır. Onun sözlərinə görə, tədbirlər Tayvan əhalisinin əksəriyyətinə qarşı deyil və yalnız konkret şəxslərin fəaliyyətinə cavab xarakteri daşıyır.
Pekin rəsmi olaraq Tayvanı Çin ərazisinin ayrılmaz hissəsi hesab edir və bu mövqedən geri çəkilməyəcəyini dəfələrlə bəyan edib. Tayvan hakimiyyəti isə bu iddianı qəbul etmir və adanın faktiki müstəqil idarə olunduğunu bildirir. Müşahidəçilərin fikrincə, bu cür qərarlar Çin–Tayvan münasibətlərində gərginliyi daha da artırır və regionda siyasi riskləri dərinləşdirir.
Poliqon.info
