Atəşkəs və ya sülh razılaşması əldə olunarsa, Belçika da öz qoşunlarını Ukraynaya göndərəcək. Bu barədə Belçikanın müdafiə naziri Teo Franken Parisdə keçirilən "könüllülər koalisiyası"nın iclasından sonra yazıb.
O yazıb ki, "Könüllülər koalisiyasının sərt bəyanatı qəbul edilib. Ukraynada sülh sazişi və ya atəşkəs əldə olunarsa, Belçika öz dəniz və hərbi imkanları ilə fəal şəkildə iştirak edəcək". Franken həmçinin söz verib ki, Belçika "Ukrayna qoşunlarını təlimləndirməyə davam edəcək".
Belçika Ukraynaya yüngül silah və sursat tədarük edir. Həmçinin, 2018-ci ildə alınan Amerika F-35-ləri ilə əvəz edildikdən sonra qalan bütün əməliyyat F-16-larını Kiyevə təhvil verəcəyinə söz verib.
ABŞ ilk iki təyyarəni Belçikaya 2025-ci ildə çatdırıb ki, bu da Belçikaya ilk iki F-16-nı 2026-cı ildə Kiyevə göndərməyə imkan verəcək. 2013-cü ilə qədər Belçikada təxminən 40 F-16 var idi, lakin onlardan neçəsinin uçuşa yararlı olduğu sirr olaraq qalır.
