“Çelsi” klubunda baş məşqçi postuna Liam Rozenyor gətirilib.
90deqiqe.Az-ın məlumatına görə, bu barədə klubun mətbuat xidməti məlumat yayıb.
İngiltərəli mütəxəssislə 2032-ci ilin yayına qədər qüvvədə olacaq uzunmüddətli müqavilə imzalanıb.
41 yaşlı Rozenyor daha əvvəl İngiltərənin aşağı liqalarında çıxış edən “Derbi” və “Hall Siti” klublarında çalışıb. 2024-cü ildən etibarən isə Fransanın “Strasburq” komandasına rəhbərlik edib. Qeyd edək ki, “Strasburq” ümumi sahiblərə malik olduğu üçün faktiki olaraq “Çelsi”nin farm-klubu hesab olunur.
Rozenyorun rəhbərliyi altında “Strasburq” cari mövsümdə Konfrans Liqasının qrup mərhələsini qalib başa vurub və hazırda Fransa Liqa 1-də yeddinci pillədə qərarlaşıb.
Xatırladaq ki, “Çelsi” daha əvvəl baş məşqçi vəzifəsindən Enzo Mareskanı istefaya göndərmişdi.
