Çeçenistan lideri Ramzan Kadırov 20 yaşlı oğlu Axmatı baş nazirin müavini vəzifəsinə təyin edib və idman naziri vəzifəsini saxlayıb. Regional lider təyinatları Telegram kanalında elan edərək onları “kiçik kadr dəyişiklikləri” adlandırıb.
Axmat Kadırovdan əlavə, milli siyasət, xarici əlaqələr, mətbuat və informasiya naziri Əhməd Dudayev də vəzifədə irəli çəkilib. Ramzan Kadırovun sözlərinə görə, kadr qərarları Çeçenistanın baş naziri Maqomed Daudovun təklifi ilə verilib: “Dostlar, 2026-cı ilə Çeçenistan hökumətinin strukturunda kiçik kadr dəyişiklikləri ilə başladıq.
Axmat Kadırov və Əhməd Dudayev əhəmiyyətli idarəetmə təcrübəsinə, nəzarət etdikləri konkret sahələri dərindən anlamağa malikdirlər və özlərini məsuliyyətli və effektiv liderlər kimi sübut ediblər”, – deyə Kadırov bildirib.
//Samir Qurbanov, Editor.az
