“Mançester Yunayted”in yarımmüdafiəçiləri Kobbi Maynu və Manuel Uqarte, eləcə də hücumçu Coşua Zirkzi portuqaliyalı mütəxəssis Ruben Amorim klubda fəaliyyətini davam etdirəcəyi təqdirdə komandanı tərk etməyə hazır olublar.
90deqiqe.Az-ın məlumatına görə, bu barədə "Daily Mail" nəşri məlumat yayıb.
Mənbənin məlumatına görə, Amorim meydandan kənar davranışları ilə tez-tez “emosional vulkan”a çevrilib. Bildirilir ki, klub rəhbərliyi onun davranışlarından istefadan xeyli əvvəl narazı idi. Xüsusilə 2025-ci ilin yanvarında Amorimin komandasının bəlkə də tarixdəki ən zəif “Mançester Yunayted” olduğunu deməsi həm rəhbərlik, həm də futbolçular tərəfindən mənfi qarşılanıb.
Xatırladaq ki, 5 yanvar, bazar ertəsi “qırmızı şeytanlar” Amorimlə əməkdaşlığa son qoyulduğunu rəsmən açıqlayıb. Portuqaliyalı məşqçi 2024-cü ilin noyabrından etibarən “Mançester Yunayted”ə rəhbərlik edirdi.
Qeyd olunur ki, məhz bu açıqlamalar mankunianlar arasında ciddi narazılıq yaradıb.
