ABŞ prezidenti Donald Trampın NATO üzvü olan Danimarkaya məxsus ərazi olan Qrenlandiyanı ilhaq etmək istəyi Avropada böyük narahatlıq yaratmağa davam edir.
Turkustan.az xəbər verir ki, Fransa, Almaniya, İtaliya, Polşa, İspaniya, Böyük Britaniya və Danimarka liderləri Trampa qarşı birgə bəyanat yayıblar.
Qrenlandiyanın Qrenlandiyada yaşayan xalqa məxsus olduğunu vurğulayan avropalılar Arktikada təhlükəsizliyin ABŞ da daxil olmaqla NATO ölkələri tərəfindən təmin edilməli olduğunu bildiriblər.
Avropa liderləri, Birləşmiş Millətlər Təşkilatının prinsiplərini və suverenlik və ərazi bütövlüyü hüququnu həmişə müdafiə edəcəklərini bildirərək aşağıdakıları söylədilər:
"Qrenlandiyanın gələcəyinə yalnız Qrenlandiya və Danimarka qərar verəcək. NATO Arktika bölgəsinin prioritet olduğunu açıq şəkildə bildirib və Avropa müttəfiqləri bu baxımdan səylərini sürətləndirirlər. Biz, bir çox digər müttəfiqlərlə birlikdə, Arktikanın təhlükəsizliyini təmin etmək və düşmənləri qorxutmaq üçün mövcudluğumuzu, fəaliyyətlərimizi və investisiyalarımızı artırmışıq."
ABŞ prezidenti Tramp Qrenlandiyanın ABŞ-a birləşməsində israrından geri çəkilməyib.
Aytən Yaşar/ Turkustan.az
