Türkiyənin Milliyyətçi Hərəkat Partiyasının sədri Dövlət Baxçalı bildirib ki, Venesuela prezidenti Nikolas Maduronun qaçırılması cəhdi beynəlxalq hüququn kobud şəkildə pozulması və “Karib dənizinin quldurları” filmindəki süjetə bənzər bir banditizm aktıdır: “Bu, bəlkə də misli görünməmiş banditizm, piratçılıq və adam oğurluğu hadisəsidir.
Əvvəllər yalnız televiziyada görünən “Karib dənizinin quldurları” ssenarisi bütün dünyanın gözü qarşısında canlanıb. Buradakı hadisə indi Karakasda baş verir”, – deyə Baxçalı Türkiyə parlamentində çıxış edərkən bildirib.
O, demokratik cəmiyyətdə cinayətkarın məhkəməsinin onun ölkəsində keçirilməli olduğunu vurğulayıb və ABŞ-ın Maduro və həyat yoldaşını yataqdan “çıxarmaq” hərəkətlərini qanunsuz adlandırıb.
Daha əvvəl Türkiyə prezidenti Rəcəb Tayyib Ərdoğan Venesueladakı hadisələrlə bağlı narahatlıqlarını ABŞ prezidenti Donald Trampa çatdırdığını açıqlayıb.
//Samir Qurbanov, Editor.az
