"Prezidentin açıqlamalarında diqqəti çəkən əsas məqamlar dövlət siyasətinin davamlılığı, milli maraqların qorunması və regiondakı strateji mövqelərin gücləndirilməsi istiqamətindəki prioritetlərdir".
Bunu Hafta.az-a açıqlamasında politoloq Rəşad Bayramov deyib.
R.Bayramov qeyd edib ki, söhbət konkret daxili və xarici siyasət sahəsindəki qərarların əsaslandırılmasından gedir. Bu isə onun kommunikasiya strategiyasının həm ictimai, həm də diplomatik auditoriyaya yönəldiyini göstərir?
"Prezidentin vurğuladığı kimi, Azərbaycan üçün milli təhlükəsizlik və iqtisadi inkişaf bir-birini tamamlayan hədəflərdir. Bu, birbaşa o mesajı verir ki, ölkə yalnız mövcud siyasi sabitliyi qorumağa deyil, həm də uzunmüddətli iqtisadi perspektivləri nəzərə alaraq qərarlar qəbul edir".
R.Bayramov vurğulayıb ki, Prezidentin açıqlamalarının sosial rifah məsələləri və dövlətin vətəndaşa yönəlik addımlarını da ön plana çıxarması ilə bağlıdır:
"Bu, cəmiyyətdə etimad yaratmaq üçün strateji mesajdır. Prezidentin çıxışı regional siyasətlə bağlı vurğular baxımından da önəm daşıyır. Dövlət başçısı açıqlamalarında həm qonşu ölkələrlə əməkdaşlığın vacibliyini qeyd etdi, həm də Azərbaycanın milli maraqlarını qorumaq üçün lazım olan sərt mövqeyi nümayiş etdirmiş oldu. Burada verilən əsas mesaj Azərbaycan həm dialoq tərəfdarı olması, həm də öz suverenliyinə, sərhədlərinə və enerji təhlükəsizliyinə ciddi şəkildə sahib çıxması ilə bağlıdır. Bu yanaşma, həmçinin xarici investorlar və diplomatik tərəfdaşlar üçün etibarlı və balanslı siyasət imici yaradır.
Prezidentin açıqlamalarında vurğulanan digər mühüm məqam kommunikasiya və informasiya siyasətinin strateji istifadəsidir. O, ictimaiyyətlə açıq və ardıcıl dialoq aparmağın vacibliyini göstərir ki, bu da daxili sabitliyi möhkəmləndirir və həm daxili, həm də xarici auditoriya üçün mesajların aydın çatdırılmasını təmin edir. Eyni zamanda, Prezident müsahibəsində tarixi və milli irsi də ön plana çıxararaq, ölkəmizin öz dəyərlərinə sadiqliyini və milli kimliyini qorumaq istəyini nümayiş etdirmiş oldu.
Ümumilikdə, Prezidentin açıqlamaları özündə çoxsəviyyəli mesajları ehtiva etdi deyə bilərik: daxili siyasətdə legitimliyi və ictimai dəstəyi gücləndirmək, regionda strateji mövqeyini qorumaq, xarici tərəfdaşlarla əməkdaşlığı inkişaf etdirmək və ölkənin iqtisadi təhlükəsizliyini təmin etmək. Bu isə bir daha cənab Prezidentin vizionunun həm stabil, həm də strateji olduğunu göstərir. Mesajların ardıcıllığı və strukturlaşdırılmışlığı Prezidentin dövlət siyasətini planlı, ölçülmüş və uzunmüddətli perspektivə əsaslanan şəkildə aparmaq istədiyini ortaya qoyur"-pilitoloq deyib.
Tahirə Qafarlı
