ain.az, Reyting.az saytına istinadən bildirir.
İranda iqtisadi etirazlar zamanı ən azı 35 nəfər həlak olub, 1200-dən çox insan saxlanılıb.
Reyting.az xəbər verir ki, bu barədə “The Washington Times” qəzeti insan haqları fəallarına istinadla yazıb.
Hesabatda deyilir ki, İranda etirazlarla bağlı zorakılıq nəticəsində ölənlərin sayı ən azı 35 nəfərə çatıb:
“ABŞ-da yerləşən İnsan Haqları Aktivistləri Xəbər Agentliyinin məlumatına görə, bir həftədən çoxdur davam edən etirazlar zamanı 1200-dən çox insan saxlanılıb”.
Ölənlər arasında 29 etirazçı, dörd uşaq və iki İran təhlükəsizlik qüvvələrinin əməkdaşı var.
Qeyd olunur ki, insan haqları təşkilatı İran daxilindəki fəallar şəbəkəsinə güvənir və ölkədəki əvvəlki iğtişaşlar zamanı dəfələrlə etibarlı məlumat verib. Bu arada, İranın İslam İnqilabı Keşikçiləri Korpusuna yaxın hesab edilən yarı-rəsmi Fars Xəbər Agentliyi bazar ertəsi axşamı nümayişlər zamanı təxminən 250 polis məmurunun və 45 Bəsic döyüşçüsünün yaralandığını bildirib.
Xatırladaq ki, İranda son üç ildə ən böyük etirazlar yaşanır. Bu etirazlar, yerli sakinlərin artan inflyasiya və rekord həddə çatan valyuta devalvasiyasından narazılığı səbəbindən baş verib.
V. QULİYEV
Daha ətraflı məlumat və yeniliklər üçün ain.az saytını izləyin.
