Gununsesi saytından alınan məlumatlara görə, ain.az xəbər verir.
Almaniyada fəaliyyət göstərən azərbaycanlı mütəxəssislərin uğurlarına daha bir əlamətdar nailiyyət əlavə olunub.
Belə ki, Azərbaycan əsilli həkim Dr. med. Orxan Səfərov, MHBA Almaniyanın dövlət səviyyəli Mammografiya Skrininqi Proqramında Programmverantwortlicher Arzt (PVA-proqram üzrə məsul həkim) vəzifəsinə təyin edilib.
Bu vəzifə süd vəzi xərçənginin erkən aşkarlanması sahəsində həyata keçirilən milli profilaktik proqramın tibbi və təşkilati rəhbərliyini əhatə edir və yüksək peşəkarlıq, geniş təcrübə və ciddi keyfiyyət standartlarına uyğun fəaliyyəti tələb edir.
Mammography Screening proqramı niyə vacibdir?
-Süd vəzi xərçəngi qadınlar arasında ən çox rast gəlinən xərçəng növüdür
-Erkən aşkarlama sağalma ehtimalını artırır və müalicəni asanlaşdırır
-Şişlər simptomlar ortaya çıxmadan əvvəl müəyyən edilir
-Daha yüngül və orqanqoruyucu müalicə imkanı yaradır
Mammography Screening-in dövlət və şəhər üçün faydalarına gəlincə, ictimai sağlamlıq üçün xərçəngdən ölüm hallarının azalması iqtisadi baxımdan tibbi xərclərin və sığortanın üzərinə düşən yükün azalmasına səbəb olur. O cümlədən səhiyyə sisteminə inamın artması, qadınların sağlamlığının qorunması və profilaktik mədəniyyətin təşviqi də buraya aiddir.
Qeyd edək ki, həmyerlimiz Dr. med. Orxan Səfərov 2011-ci ildən etibarən Almaniyada yaşayır və tibbi fəaliyyət göstərir. O, ilkin olaraq Travmatologiya və Ortopediya sahəsində çalışıb. Daha sonra isə Radiologiya üzrə ixtisas həkimi kimi ixtisaslaşıb.
Dr. med. Orxan Səfərovun peşəkar fəaliyyətinə nəzər salsaq, bir çox uğulara imza atanlardandır desək yanlmarıq.
O, həmçinin 2021-ci ildə tibb üzrə doktorluq elmi dərəcəsini (Dr. med.) alıb.
2025-ci ildə Master of Health Business Administration (MHBA) təhsilini uğurla başa vurmuşdur.
1.01.2025– 31.12.2025 tarixləri arasında MVZ Radiologie Troisdorf tibb mərkəzində Ärztlicher Leiter (tibbi rəhbər) vəzifəsində çalışıb. Son dörd il ərzində, yəni 2021-ci ildən etibarən Dr. Səfərov senologiya üd vəzinin diaqnostikası və süd vəzi xərçənginin erkən aşkarlanması sahəsində ixtisaslaşıb. Bu müddət ərzində isə Almaniyada həyata keçirilən Mammografiya Skrininqi Proqramında mütəmadi olaraq mammografiya görüntülərinin tibbi qiymətləndirilməsi ilə məşğul olub. Yeni vəzifəsinə gəlincə, 01.01.2026 tarixindən etibarən Dr. med. Orxan Səfərov Bonn-Euskirchen-Rhein-Sieg bölgəsi üzrə Programmverantwortlicher Arzt (PVA-proqram üzrə məsul həkim) vəzifəsini icra etməyə başlayıb.
Bəs Mammografiya Skrininqi Proqramı nədir?
Mammografiya Skrininqi Proqramı Almaniyada süd vəzi xərçənginin erkən mərhələdə aşkarlanması məqsədilə həyata keçirilən milli profilaktik proqramdır. Proqram çərçivəsində 50–75 yaş arası qadınlar hər iki ildən bir skrininq mammografiyasından pulsuz istifadə etmək hüququna malikdirlər. Proqramın əsas məqsədi süd vəzi xərçənginin erkən mərhələdə aşkarlanması, vaxtında müalicəyə başlanılması və bununla da xəstəlikdən ölüm hallarının azaldılmasıdır.
Programmverantwortlicher Arzt (PVA-proqram üzrə məsul həkim) vəzifəsinin əsas funksiyalarına gəlincə, proqramı tibbi və təşkilati icrasına cavabdeh olan əsas həkimdir. Onun əsas vəzifələrinə aşağıdakılar daxildir:
-Skrininq prosesinin tibbi rəhbərliyi və koordinasiyası
-Mammografiya müayinələrinin təşkilinə və keyfiyyətinə nəzarət
-Örüntülərin iki müstəqil həkim tərəfindən qiymətləndirilməsinin təmin edilməsi
-Qeyri-müəyyən hallarda əlavə qiymətləndirmə və tibbi qərarların verilməsi
Zərurət olduqda qadınların dəqiqləşdirici diaqnostikaya dəvət edilməsi:
-Konsensus iclaslarının və multidissiplinar tibbi müzakirələrin təşkili
-Keyfiyyətə nəzarət tədbirlərinin və tibbi standartların qorunmasının təmin edilməsi.
Yeri gəlmişkən, Dr. med. Orxan Səfərovun fəaliyyət göstərdiyi Bonn-Euskirchen-Rhein-Sieg skrininq bölgəsi Almaniyanın ən böyük skrininq ərazilərindən biridir. Burada ümumi əhali sayı təxminən 1.090.000 nəfərdir. Skrininq hüququ olan qadınların sayı isə təxminən 205.000 nəfərə çatıb.
Qeyd edək ki, həmyerlimiz Azərbaycan əsilli həkim Dr. med. Orxan Səfərov bu cür proqramın gələcəkdə Azərbaycanda da səmərəli istifadəsi üçün tətbiq olunacağını, müayinə və mülaicə zamanı xərclərin azalmasına zəmin yaradacaqını vurğulayır.
Gununsesi.info
Sonrakı hadisələr barədə daha çox məlumat almaq üçün ain.az saytını izləyin.
