"Sabah" Rusiyanın "Rubin" klubundan icarəyə götürdüyü Özbəkistan millisinin yarımmüdafiəçisi Umarali Raxmonaliyevi transfer edib.
Fanat.Az klubun rəsmi saytına istinadən xəbər verir ki, 22 yaşlı futbolçu ilə 3 illik müddətə müqavilə imzalanıb.
"Bayquşlar" Kazan təmsilçisi ilə danışıqların yekununa əsasən, yarımmüdafiəçin transfer hüququna yiyələnib.
Qeyd edək ki, Raxmonaliyev 2025-ci ilin yanvarından "Sabah"da çıxış edir. O, masazırlıların heyətində ümumilikdə 36 oyun keçirib və 3 qola imza atıb.
