NASA-ya məxsus SWOT peyki Rusiyanın Kamçatka yarımadası yaxınlığında baş verən güclü zəlzələdən sonra yaranan sunamini Sakit okean boyunca yüksək dəqiqliklə qeydə alıb.
AzEdu.az "The Seismic Record" jurnalına istinadən xəbər verir ki, bu, subduksiya zonası sunamisinin kosmosdan ilk detallı müşahidəsi olub.
Alınan məlumatlar göstərib ki, sunamilər okean boyunca tək və sabit dalğa kimi deyil, geniş əraziyə yayılaraq mürəkkəb şəkildə hərəkət edir. Alimlər hesab edirlər ki, bu kəşf sunamilərin davranışını daha yaxşı anlamağa və gələcəkdə onların təsirini daha dəqiq proqnozlaşdırmağa kömək edəcək.
Zeynəb Tehranlı
