ABŞ tərəfindən saxlanılan Venesuela prezidenti Maduro Nyu-Yorkda məhkəməyə vertolyotla aparılıb.
Turkustan.az xəbər verir ki, kameralar Maduronu helikopterə müşayiət edərkən axsadığını qeydə alıb. Hakim qarşısına çıxan Maduro özünü "hərbi əsir" hesab etdiyini və Karakasdan qaçırıldığını bildirib. Maduro ona qarşı irəli sürülən bütün ittihamları rədd edib. Növbəti məhkəmə iclası 17 mart tarixinə təyin edilib.
Nyu-York şəhərindəki Bruklin həbsxanasında gündə 23 saat tək kamerada saxlanılan Venesuela prezidenti Nikolas Maduro məhkəməyə vertolyotla aparılıb.
Hakim qarşısına çıxan Nikolas Maduro dedi: "Mən Venesuela prezidentiyəm. Özümü müharibə əsiri hesab edirəm. Məni evim Karakasdan qaçırıblar".
Maduro və həyat yoldaşı Cilia Flores, narkotiklə bağlı da daxil olmaqla, onlara qarşı irəli sürülən bütün ittihamları rədd etdilər.
Maduro həmçinin bildirib ki, "Mən günahsız və dürüst insanam. Mən dövlət başçısıyam".
Təxminən yarım saat davam edən dinləmə hakimin növbəti dinləmənin 17 martda olacağını elan etməsi ilə başa çatdı.
Maduro və həyat yoldaşı Cilia Flores ABŞ ordusunun basqını zamanı saxlanılaraq paytaxt Karakasdan Nyu-Yorka gətirilib.
ABŞ prezidenti Donald Tramp Maduronu narkotik qaçaqmalçılığını idarə etməkdə günahlandırıb.
Aytən Yaşar/ Turkustan.az
