Türkiyə prezidenti Rəcəb Tayyib Ərdoğan ABŞ lideri Donald Trampla telefon danışığında Venesuela, Qəzza, eləcə də ticarət və müdafiə sənayesi məsələlərini müzakirə edib.
Ərdoğanın ofisinin yanvarın 5-də baş tutan söhbətin yekunlarına dair yaydığı bəyanatda bildirilib ki, liderlər Türkiyə ilə ABŞ arasında siyasi sahədə ikitərəfli münasibətləri, müdafiə sənayesində əməkdaşlığı, iki ölkə arasında hədəflənən ticarət dövriyyəsinə nail olmaq üçün atılmalı olan addımları, həmçinin Qəzza və Venesueladakı vəziyyət daxil olmaqla regional və qlobal məsələləri müzakirə ediblər.
Nazirlər Kabinetinin iclasından sonra daha əvvəl çıxış edən Ərdoğan bildirib ki, Trampla telefon danışığı zamanı Türkiyə tərəfi Venesuela ilə bağlı “həssas məsələlər üzrə mövqeyini” Ağ Evin rəhbərinə çatdırıb. Vurğulanıb ki, “Venesuela qeyri-sabitliyə sürüklənməməlidir”.
