Bizimyol saytına istinadən ain.az xəbər verir.
Mütəxəssislər xəbərdarlıq edirlər ki, çekləri, biletləri və digər termokağız məmulatlarını cibdə saxlamaq sağlamlıq üçün risklidir.
Bizimyol.info xəbər verir ki, bu cür məhsulların çapında istifadə olunan materialın tərkibində insanın hormonal balansına təsir göstərə bilən kimyəvi maddələr mövcuddur.
Termokağız istiliyə bisfenol adlı birləşmə sayəsində reaksiya verir və məhz bu maddə qızdırıldıqda mətnin görünməsini təmin edir. Lakin bisfenol hormon sisteminin pozulması ilə əlaqələndirilir və potensial təhlükəli maddə hesab olunur. Mütəxəssislər təsir riskini azaltmaq üçün çek və biletlərin istifadə edildikdən dərhal sonra atılmasını tövsiyə edirlər.
Bu arada alimlər təhlükəsiz alternativ hazırlamağa nail olublar. Tədqiqatçılar ağacdan və şəkərlərdən əldə edilən bitki mənşəli molekullar əsasında yeni termokağız yaradıblar. Yeni materialın əsas komponenti ağaca möhkəmlik verən təbii polimer olan liqnindir. Təkmilləşdirilmiş ekstraksiya üsulları sayəsində liqnin açıq rəngli, homogen və çap üçün yararlı hala gətirilib.
Yeni termokağızın işləməsi üçün alimlər materiala istiliyə həssaslaşdırıcı maddə əlavə ediblər. Bu maddə boyanın lazımi temperaturda reaksiyaya girməsini təmin edir. Qızdırıldıqda bitki əsaslı örtük aydın və oxunaqlı mətn yaradır, zamanla keyfiyyətini itirmir.
Tədqiqatın müəlliflərindən biri Ceremi Lüterbaherin sözlərinə görə, yeni material demək olar ki, toksik maddələrdən azaddır və bərpa olunan xammaldan hazırlandığı üçün ənənəvi termokağıza təhlükəsiz alternativ hesab olunur.
Araşdırma çeklərdə, biletlərdə, etiketlərdə və digər gündəlik məhsullarda daha ekoloji və sağlam termal çap texnologiyasına yol açır.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
