Suriya ordusu PKK/YPG dronlarının buraxılış yerlərini müəyyən etdikdən sonra Hələb əyalətinin şərqindəki Deyr Hafir bölgəsində cavab hücumu həyata keçirib.
Xalqcebhesi.az-ın məlumatına görə, Suriya dövlət televiziyası Əl-İxbariyyəyə danışan hərbi mənbə bildirib ki, PKK/YPG tərəfindən həyata keçirilən dron hücumlarında mülki şəxslər və polis məmurları da daxil olmaqla altıdan çox insan yaralanıb.
Hərbi mənbə ordunun bu hücumlara qarşı qisas aldığını bildirib, lakin qisasın məhdud olduğunu qeyd edib.
SDG adından istifadə edən PKK/YPG terror təşkilatı Suriya ordusunun mövqelərinin yaxınlığındakı bir nəzarət məntəqəsini pilotsuz təyyarə ilə hədəfə alıb.
Məryəm Quliyeva
