Reuters agentliyinin verdiyi məlumata görə, İsveçrənin Venesuela prezidenti Nikolas Maduro və onun silahdaşlarına məxsus maliyyə aktivlərinin dondurulması ilə bağlı qərarı 37 nəfərə təsir edib.
İsveçrə Xarici İşlər Nazirliyinin sözçüsü agentliyə bildirib ki, əmr dərhal qüvvəyə mindiyindən və təfərrüatlar bu mərhələdə açıqlana bilmədiyindən, dondurulmuş aktivlərin ümumi dəyərini açıqlaya bilməzlər.
Cənab Maduroya və onunla əlaqəli şəxslərə məxsus ölkədə yerləşən bütün aktivlərin dondurulması qərarı İsveçrə Federal Şurası tərəfindən qəbul edilib. Hökumət vurğulayıb ki, vəsaitlərin qanunsuz mənşəyi müəyyən edilərsə, "İsveçrə onların Venesuela xalqına fayda verməsi üçün hər cür səy göstərəcək".
Əziz Mustafa
