A.Səmədovun sözlərinə görə, danışıqlarda mübahisə doğuran digər məqamlar da mövcuddur, lakin onları müəyyən mexanizmlər vasitəsilə həll etmək olar: “Ərazi məsələsi isə hələlik çıxılmaz vəziyyətdə qalır. Zelenskinin irəli sürdüyü variantlar daha çox prosesi uzatmağa hesablanmış addımlar kimi qiymətləndirilir. Bu şəraitdə danışıqlarda ciddi uğur gözləmək çətin görünür. Digər tərəfdən, ABŞ-nin Zelenskinin korrupsiya ittihamları ilə bağlı məlumatlı olduğu da sirr deyil və bu istiqamətdə Kiyevə müəyyən təzyiqlərin göstərildiyi bildirilir. Ehtimal olunur ki, bu amil Zelenskinin mövqeyinə təsir göstərə və ərazi məsələsi ilə bağlı qərarın parlamentdə qəbul edilməsinə cəhd edilə bilər”. Siyasi şərhçi qeyd edib ki, Ukrayna parlamentində Zelenskinin tərəfdarları çoxluq təşkil edir: “Qərarın cəmiyyətə daha qəbulolunan formada təqdim edilməsi üçün hətta Donald Trumpın Kiyevə gələrək parlamentdə çıxış etməsi ehtimalı da istisna edilmir. Zelenskinin belə bir təşəbbüs irəli sürdüyü də bildirilir. Yalnız bu ssenari reallaşarsa, yanvarın sonunda keçiriləcək Trump–Zelenski görüşünün nəticə verməsi mümkün ola bilər. Əks halda prosesin uzanacağı gözlənilir ki, bu da Rusiyanın maraqlarına uyğundur. Çünki Rusiya, ağır da olsa, Ukrayna ərazilərini işğal etməkdə davam edir”. Sevinc İbrahimzadə / Metbuat.az
