Klubunu dəyişdi, amma Londonda qaldı

Brennan Conson klubunu dəyişib. Amma o, Londonu tərk etməyib.

"Football-plus.az" xəbər verir ki, “Tottenhem”in oyunçusunu “Kristal Pelas” transfer edib. 24 yaşlı vingerin keçidi yeni klubunun tarixinə rekord transfer kimi düşüb. “Kristal Pelas”ın rəsmi saytı keçidin detallarını açıqlamasa da, Böyük Britaniya mətbuatı Consonun transferinin 40 milyon avroya başa gəldiyini yazıb. Sözləşmənin müddəti 4,5 illikdi.

Uels yığmasının üzvü yeni klubunda “11” nömrəli formada çıxış edəcək.

• Tottenhem
• Transfer
• London
• Kristal Pelas
• 40 Milyon Avro
• Brennan Conson