Türkiyə Prezidenti Rəcəb Tayyib Ərdoğan ölkənin ABŞ-ın F-35 beşinci nəsil qırıcı proqramından kənarlaşdırılmasını ədalətsiz adlandırıb.
AFN.az xəbər verir ki, bu barədə "TRT Haber" məlumat yayıb.
Ərdoğan bildirib: "Türkiyənin F-35 proqramına qayıtması NATO üçün vacibdir. Türkiyə bu proqrama yenidən qoşulmalıdır. Türkiyə olmadan NATO-nun təhlükəsizliyi mümkün deyil. Türkiyənin Rusiyadan hərbi texnika alması səbəbindən proqramdan kənarlaşdırılması ədalətsizdir", - deyə Rusiya S-400 hava hücumundan müdafiə sistemlərinin alınmasına toxunub.
Qeyd olunub ki, 2017-ci ildə Türkiyə Rusiyadan 2,5 milyard dollara dörd diviziya S-400 hava hücumundan müdafiə sistemləri alıb. 2019-cu ilin oktyabr ayında Rosoboronexport (Rostec dövlət korporasiyasının bir hissəsi) sistemlərin çatdırılması üçün müqavilənin yerinə yetirildiyini bildirib.
Türkiyə ilə Rusiya arasında S-400 sisteminin tədarükü ilə bağlı müqavilə bağlandıqdan sonra Ankara ABŞ-ın F-35 qırıcı təyyarələri proqramından kənarlaşdırılıb.
