Elxan Qaçay oğlu Zülfüqarov 1954-cü il yanvarın 5- i Füzuli rayonunun Üçbulaq kəndində anadan olub.
QHT.az xəbər verir ki, hərbi xidmətini Ukrayna SSR-də başa vurduqdan sonra milis işçisi kimi fəaliyyət göstərib. 1988-ci ildə Qarabağ hadisələri zamanı Azərbaycana qayıdıb və 1992-ci ildə könüllü olaraq Milli Orduya qoşulub. Laçın, Qubadlı, Zəngilan və Füzuli rayonlarında gedən döyüşlərdə iştirak edib, 40-dan çox əməliyyata qatılıb və kapitan rütbəsi alıb.
1994-cü ilin 5 yanvarında Şükürbəyli kəndi uğrunda gedən döyüşdə qəhrəmancasına həlak olub. Ölümündən sonra Azərbaycan Respublikasının Prezidenti tərəfindən “Azərbaycanın Milli Qəhrəmanı” adına layiq görülüb və Şəhidlər Xiyabanında dəfn edilib.
Ruhu şad olsun!
