Avstraliyalı alimlər hüceyrələrin daha çox kalori yandırmasının təhlükəsiz bir yolunu kəşf ediblər.
AzEdu.az xarici KİV-ə istinadən xəbər verir ki, tədqiqatçılar bu effekti hüceyrələrin enerji mərkəzləri olan mitokondrilərin fəaliyyətini incə tənzimləməklə əldə etməyin mümkün olduğunu göstəriblər.
Eksperimental birləşmələr mitokondriləri daha çox enerji sərf etməyə təşviq edir və nəticədə hüceyrələr əlavə kalori yandırır. Əvvəllər oxşar kimyəvi maddələr arıqlama məqsədilə istifadə olunub, lakin ciddi təhlükə səbəbindən qadağan edilmişdi. Yeni yanaşma isə bu təsiri təhlükəsiz səviyyədə idarə etməyə imkan verir.
Tədqiqat piylənməyə qarşı yeni müalicə perspektivləri açır və metabolik sağlamlığın dəstəklənməsinə kömək edə bilər. Qeyd olunur ki, piylənmə dünya miqyasında ciddi sağlamlıq problemlərinə, o cümlədən şəkər xəstəliyi və xərçəng riskinin artmasına səbəb olur. Hazırda mövcud arıqlama dərmanlarının bir çoxu inyeksiya tələb edir və yan təsirlərə malikdir.
Araşdırma University of Technology Sydney (UTS) universitetindən Assosiasiya Professoru Tristan Rawlingin rəhbərliyi altında aparılıb və Böyük Britaniyanın Kimya Cəmiyyətinin baş jurnalı Chemical Science-də dərc olunub. Həmçinin tədqiqat “həftənin seçimi” kimi də tanınıb.
Zeynəb Tehranlı
