Afrika Millətlər Kubokunda mübarizəni dayandıran Tunis millisinin baş məşqçisi Sami Trabelsi istefaya göndərilib.
Fanat.Az xəbər verir ki, bu barədə sözügedən ölkənin futbol federasiyasının mətbuat xidməti məlumat yayıb.
Turnirin 1/8 finalında Maliyə məğlub olan yığmanın çıxışı rəhbərliyi qane etməyib. 57 yaşlı mütəxəssislə birlikdə köməkçiləri də komandanı tərk edib.
Qeyd edək ki, Tunis seçməsinin Mali ilə görüşünün əsas vaxtı 1:1 nəticələnib. Penaltilər seriyasında isə tunislilər uduzublar.
Sami Trabelsi 2025-ci ilin fevralında komandanın baş məşqçisi təyin olunmuşdu.
