Venesuela prezidenti Nikolas Maduronun ABŞ hakimiyyəti tərəfindən saxlanılması gözlənilmədən futbol azarkeşlərinə çoxdan məlum olan bir detalı xatırladıb: Maduro “Barselona” və Lionel Messinin azarkeşidir.
Publika.az xəbər verir ki, Messi 2021-ci ilin yayında “Barselona” ilə vidalaşanda Maduro bunun ona şəxsən təsir etdiyini açıq şəkildə etiraf etdi. Venesuela Olimpiya idmançılarının şərəfinə keçirilən tədbirdə çıxış edərkən, o, Kataloniya klubunun rəhbərliyini tənqid edib və “Messi ilə birlikdə ağladığını” bildirib.
Maduro deyib: “Messiyə etdiklərinin adı yoxdur. Əgər bunu futbol tarixinin ən böyük oyunçusuna qarşı edə bilirlərsə, deməli, bunu istənilən şəxsə qarşı edə bilərlər”.
