Səudiyyə Ərəbistanı liqasında keçirilən “Əl Əhli” - “Əl Nəsr” görüşündən sonra dava düşüb.
Sportinfo.az xəbər verir ki, qarşılaşmanın son dəqiqələrində qol vuraraq komandasına 3:2 hesablı qələbə qazandıran meydan sahiblərinin oyunçusu Ali Majrashi rəqibin hücumçusu Joa Feliksə sillə vurub.
Nəticədə komandaların oyunçuları arasında əlbəyaxa dava düşüb.
“Əl Nəsr”in ulduzu Kriştianu Ronaldo isə meydan sahiblərinin idman direktoru ilə mübahisə edib. Təhlükəsizlik qüvvələri aranı sakitləşdirib.
