Musavat.com xəbər verir ki, ölkənin müxtəlif şəhərlərində etirazçılar dövlət bayraqlarını yandırır, polisə məxsus avtomobilləri od vuraraq sıradan çıxarırlar.
Yerli və beynəlxalq KİV-in məlumatına görə, aksiyalar zamanı təhlükəsizlik qüvvələri ilə toqquşmalar qeydə alınıb, bəzi hallarda silahdan istifadə edildiyi bildirilir. İlkin məlumatlara əsasən, indiyədək azı 8 nəfər həlak olub, təxminən 40 nəfər isə yaralanıb.
Xatırladaq ki, etirazların əsas səbəbi ölkədə dərinləşən iqtisadi böhrandır. Son aylarda əsas ərzaq məhsullarının qiyməti 60-70 faiz artıb, milli valyuta rial isə kəskin dəyər itirərək 1 dollar üçün 1,4 milyon səviyyəsinə qədər ucuzlaşıb.
Baş verənlər fonunda ABŞ prezidenti Donald Tramp da mövqeyini açıqlayıb. O, ABŞ-ın "etirazçılar öldürülməyə davam edərsə, onlara kömək etməyə hazır olduğunu" bildirib. Rəsmi Tehran isə bu bəyanatı İranın daxili işlərinə "təhlükəli müdaxilə" kimi qiymətləndirib.
