Türkiyə Xarici İşlər Nazirliyi Venesuelada baş verən son hadisələrlə bağlı açıqlama yayıb.
Türkiyə XİN-in yaydığı açıqlamada deyilir:
“Türkiyə Venesuelanın sabitliyinə, Venesuela xalqının əmin-amanlığına və rifahına xüsusi önəm verir.
Mövcud vəziyyətin regional və beynəlxalq təhlükəsizlik baxımından mənfi nəticələr doğurmaması üçün bütün tərəfləri təmkinli davranmağa çağırırıq.
Venesueladakı böhranın beynəlxalq hüquq çərçivəsində həllinə yönəlmiş hər cür konstruktiv töhfəni verməyə hazırıq.
Bu prosesdə Karakasdakı Səfirliyimiz ölkədə olan vətəndaşlarımızla əlaqəni və zəruri koordinasiyanı fasiləsiz şəkildə davam etdirir”.
AZXEBER.COM
