VTV Canal8-in verdiyi məlumata görə , Venesuelanın baş prokuroru Tarek Uilyam Saab ABŞ-ı prezident Nikolas Maduro və həyat yoldaşının sağ olduğunu təsdiqləməyə çağırıb .
O, həmçinin Venesuela lideri və həyat yoldaşının başına gələ biləcək hər hansı bir hadisəyə görə ABŞ-ı günahlandırdı.
Saab ABŞ hücumunun “günahsız mülki şəxslərə” qarşı yönəldiyini vurğuladı və Vaşinqtonun hərəkətlərini “pis niyyətlə” törədilmiş cinayətkar hərəkət adlandırdı.
Daha əvvəl ABŞ prezidenti Donald Tramp Maduro və həyat yoldaşının tutularaq ölkədən çıxarıldığını açıqlamışdı . O, ABŞ-ın Venesuelaya qarşı uğurlu hücum başlatdığını və bu əməliyyatın Amerika hüquq-mühafizə orqanları ilə birgə həyata keçirildiyini vurğulamışdı.
