Mikaelyanla bağlı insident İtaliyanın Toblah şəhərində Dünya Kubokunun bir hissəsi kimiməşhur xizək yarışı olan “Tour de Ski” yarışlarından biri zamanı baş verib. O, idman formasının sinəsində yazılmış “Azərbaycan” sözünün üstünü yapışqan lentlə örtdüyünə görə FİS tərəfindən cərimələnib.
İsveçin “Expressen” nəşri yazır ki, erməni idmançı izahat verməkdən imtina edib, lakin yenidən cəzalandırılacağı təqdirdə FİS-i boykotla hədələyib.
“Mən bunu niyə etmişəm? Bu, mənimlə Beynəlxalq Federasiya arasında qalır. FIS və Dünya Kuboku qaydalarına əsasən, titul sponsorları formada görünməlidir. Mənim məsələmdə isə belə deyildi. Əgər onlar cəriməni ağlabatan cəza saysalar, mən bununla bağlı heç nə edə bilmərəm. Amma belə hal təkrarlanarsa, yarışmanı boykot edəcəyəm”, - erməni idmançı deyib.
Toblahda keçirilən yarışda Mikaelyan müxtəlif növlərdə 72, 87 və 118-ci yerləri tutub.
“Tour de Ski”də xizəkçilərin kostyumlarında Azərbaycanı reklam etməklə yanaşı, hər yerdə ölkəmizin adı yazılmış böyük reklam lövhələri asılıb.
Xatırladaq ki, bu ilin yazında Azərbaycan moqul (xizəkzürmə fristaylı) üzrə dünya çempionatına ev sahibliyi edəcək. Yarış martın 14-15-də Şahdağda baş tutacaq.
Sahil İsgəndərov
AzVision.az
