ABŞ-ın İranın daxili proseslərinə müdaxiləsi bütün Yaxın Şərqin destabilizasiyasına gətirib çıxara və regionda Amerikanın maraqlarına ciddi ziyan vura bilər.
Bu barədə İranın Ali Milli Təhlükəsizlik Şurasının katibi Əli Laricani bildirib.
O, X sosial şəbəkəsindəki (keçmiş Twitter) paylaşımında yazıb:
“Biz hesab edirik ki, etiraz edən sahibkarların dağıdıcı ünsürlərlə heç bir əlaqəsi yoxdur və [ABŞ Prezidenti Donald] Tramp anlamalıdır ki, ABŞ-ın bu daxili məsələyə müdaxiləsi bütün regionun destabilizasiyasına və Amerikanın maraqlarının məhv edilməsinə bərabərdir”.
İranlı siyasətçi həmçinin qeyd edib ki, ABŞ prezidentinin açıqlamalarından sonra onun fikrincə, İranda daxili vəziyyətə təsir göstərməyə kimin çalışdığı aydın olub. Laricani mümkün eskalasiyaya görə məsuliyyəti ABŞ rəhbərliyinin üzərinə qoyaraq, Amerika hərbçiləri üçün yarana biləcək risklər barədə xəbərdarlıq edib.
