Fransada Yeni il gecəsi yandırılan avtomobillərin sayı 1 173-ə çatıb.
Bu barədə ölkənin Daxili İşlər Nazirliyi rəsmi saytında məlumat yayıb.
Nazirliyin açıqlamasında deyilir: “Yandırılan avtomobillərin sayında artım müşahidə olunur: 1 173 avtomobil yanıb, ötən il isə bu rəqəm 984 idi”.
Bununla yanaşı, ölkə üzrə zorakılıq əməlləri və əmlaka ziyan vurulması ilə əlaqədar 505 nəfərin saxlanıldığı, onlardan 403-nün isə həbs edildiyi bildirilib.
