ain.az, Bizimyol portalından verilən məlumatlara əsaslanaraq xəbər verir.
ABŞ-ın İranın nüvə proqramına qarşı son təhdidlərindən sonra İranın Vyanadakı beynəlxalq təşkilatlar nəzdindəki daimi nümayəndəliyi, Beynəlxalq Atom Enerjisi Agentliyinin (UAEA) rəhbəri Rafael Qrossiyə məktub göndərib.
Bizimyol.info xəbər verir ki, bu barədə İran Xarici İşlər Nazirliyi məlumat verib.
"Bu cür təhdidlərin normal hala gəlməsi Agentliyin etibarlılığı və Nüvə Silahlarının Yayılmaması Müqaviləsi üçün təhlükəli nəticələr doğuracaq və eyni zamanda doğrulama işlərinə əsaslanan beynəlxalq etimadı sarsıdacaq", - deyə məktubda qeyd edilib.
İran, bu cür məsuliyyətsiz hərəkətlərin pislənməli və məsul şəxslərin tam şəkildə cavab verməli olduğunu vurğulayıb.
ABŞ Prezidenti Donald Tramp, 29 dekabrda İsrailin baş naziri Benyamin Netanyahu ilə keçirdiyi birgə mətbuat konfransında Vaşinqtonun Tehran ilə dialoqa girə biləcəyini, amma güc istifadə etmək seçiminin də masada olduğunu bildirib.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
