ain.az, Azpolitika.az portalına istinadən məlumat yayır.
Elm və təhsil bilicisi, sabiq deputat Etibar Əliyev social şəbəkə hesabında Azərbaycan intellektuallarına çağırış edib.
E.Əliyev yazır:
“Dəyərli intellektuallar!
Gəlin, 2026-cı ili "Yeni maarifçilik ili” elan edək. Klassik maarifçiliyin əsas tezisləri bunlardır:
- Bütün insanlar başlanğıcdan istisnasız xeyirxahdırlar;
- İnsan həyatının əsas məqsədi xoşbəxtlik və firavan yaşayışdır;
- Bunlara mövcud elmlərin köməyi ilə nail olmaq mümkündür;
- Buna maneçilik törədən isə dözümsüzlük və nifrət yaradan nadanlıqdır;
- Nadanlıq və naqislikləri aradan qaldırmaq üçün hər cəhətli maarifçilik lazımdır;
- Hər növ ictimai əxlaq və mənəviyyat zəkanın maariflənməsinə əsaslanmalıdır;
- Daha çox maariflənmiş şəxs daha çox əxlaqlı olur;
- Bütün bəşəriyyət maarifçiliyin tərəqqisi ilə irəliyə doğru hərəkət edəcəkdir.
Bütün bunları dahi alman filosofu Kantın “Maarifçilik nədir” sualına cavabı ilə anlamaq olar. “Maarifçilik - insanın öz günahı ucbatından düşdüyü yeniyetməlik durumundan çıxmaqdır”.
Yeniyetməlik kənardan kiminsə müdaxiləsi olmadan öz mühakiməsindən istifadə edə bilməməkdir.
“Müdrik olmaqdan qorxma! Özünəməxsus ağlından cəsarətlə istifadə et!” - bunlar maarifçilik dövrünün əsas devizləri olmuşdur.
Yeni maarifçilik klassiklərə istinad etməklə yeni biliklərin aktuallaşdırılmasından başlamalıdır.
Kitab təqdimatı;
Elmin populayarlaşdırılması;
Dövrün fəlsəfi cərəyanlarının öyrədilməsi;
Gənc istedadların təşviqi;
Universitetlərdə “Mütaliə klubları”nın yaradılması;
Cəhalətə qarşı elmi mübarizə”.
“AzPolitika.info”
Ən son xəbərləri və yenilikləri almaq üçün ain.az saytını izləyin.
