BAKI, 1 yanvar. TELEQRAF
“Fənərbağça”nın braziliyalı müdafiəçisi Rodrigo Bekao karyerasını İtaliya A Seriyasında davam etdirə bilər.
Teleqraf “Transferfeed”ə istinadən xəbər verir ki, 28 yaşlı müdafiəçiyə hazırda 4 təklif var.
Belə ki, “Fiorentina”, “Genoa”, “Torino” və “Hellas Verona” klubları Rodriqonu heyətinə qatmaq niyyətindədir.
Cari mövsüm yaşadığı fiziki problemlər və baş məşqçinin seçimləri səbəbindən Süper Liqada yalnız 1 oyunda iştirak edən futbolçu İtaliyaya dönmək istəyir.
Qeyd edək ki, Rodriqonun “Fənərbağça” ilə mövcud müqaviləsi 2028-ci ilə qədərdir. Transfermarkt məlumatına görə, onun bazar dəyəri 3 milyon avrodur.
