Nigerdən sonra daha iki ölkə ABŞ vətəndaşlarına viza verilməsini dayandıracaq.Metbuat.az xəbər verir ki, Mali və Burkina Faso ABŞ vətəndaşlarına viza verilməyəcəyini açıqlayıb. Bu barədə hər iki ölkənin Xarici İşlər Nazirliyi ayrı-ayrı bəyanat yayıb. Bəyanatlarda deyilir ki, ABŞ Prezidenti Donald Trampın Mali və Burkina Faso vətəndaşlarının ABŞ-yə girişini qadağan etmək qərarına cavab olaraq ABŞ vətəndaşlarının ölkələrinə girişi qadağan ediləcək. Qeyd edək ki, ABŞ Prezidenti Donald Tramp əvvəllər tətbiq edilən səyahət məhdudiyyətlərini Mali, Burkina Faso və Nigerə də aid etməklə 20 ölkəyə çatdırıb. Bu ölkələr hərbi rejimlər tərəfindən idarə olunması və öz regional birliklərini yaratmaq üçün Qərbi Afrika İqtisadi Birliyindən ayrılması ilə seçilir.
