Valeri Zalujnı 2026-cı ildə Ukrayna prezidenti ola bilər.
Publika.az xəbər verir ki, belə iddia ilə "Washington Post" qəzetinin köşə yazarı David İqnatius çıxış edib.
Onun fikrincə, əgər Vladimir Zelenski istefa verərsə, "milli birlik" hökumətinə keçmiş baş komandan rəhbərlik edəcək.
İqnatius hesab edir ki, münaqişə bitməyəcək, əksinə "qanlı bir durğunluğa" çevriləcək. O, həmçinin Ukrayna dəniz dronlarının "Rusiyanın kölgə donanmasına zərbə endirməsi" də daxil olmaqla, ciddi eskalasiyaların baş verə biləcəyini və bunun enerji ixracını azaldacağını proqnozlaşdırır.
