“Şəhzadə”şadlıq sarayı sizi Dünya Azərbaycanlılarının Həmrəyliyi Günü və Yeni il münasibətilə təbrik edir
31 Dekabr – Dünya Azərbaycanlılarının Həmrəyliyi Günü və Yeni ilin başlanması münasibətilə Azərbaycan xalqını, dünyanın müxtəlif ölkələrində yaşayan bütün soydaşlarımızı səmimi-qəlbdən təbrik edirik.
Bu əlamətdar tarix milli birlik və həmrəyliyimizin, dövlətçilik dəyərlərinə sədaqətimizin bariz nümunəsidir. Dünya azərbaycanlılarının vahid məqsədlər ətrafında birləşməsi, Vətənimizə bağlılığı və milli maraqlarımızın qorunması dövlətimizin gücünün əsas dayaqlarındandır.
Ümidvarıq ki, yeni il ölkəmiz üçün davamlı inkişaf, sabitlik və rifah ili olacaq, hər bir vətəndaşımıza sülh, əmin-amanlıq, sağlamlıq və uğurlar gətirəcəkdir.
Bu xoş günlər münasibətilə hər kəsə firavanlıq, ailə səadəti və yeni nailiyyətlər arzulayırıq. Bayramınız mübarək!
